اضحك معايا دى بورسعيد

اضحك على المواطن اللي يطالب بحقه ليه هو مبيفهمش مش شايف إحنا بنتعب ازاى الباشا الموظف الكبير بيتعب في المقابلات المصورة والأحاديث الصحفية والتشريفات للبشوات الكبار دة كفايا انه بيصحا من النوم بدرى اما المواطن اللى معندوش دم ولا احساس مش مقدر كل دة عاوز كمان اننا نقبلو ونعرف مشكله شوفتو الاستهتار وصل لفين من المواطن عاوزنا ننزل الشوارع ونشف المجارى وهيا بيظه ونشوف الزبالة وهيا مليا الشوارع ولا عربيات الباعه الجائلين ولا على ايه ولا ايه المواطن مش بيحترم نفسه ليه مش يستحمل هو الكلام دة ولا احنا هنعمل كل حاجه بنفسنا مش كفايا ان المكاتب فيها مراوح مش تكييف او التكيف 15حصان مش 3 حصان والله إحنا بنتعب فالمواطن يطالب من السيد رئيس حي الضواحي ببورسعيد  والسيد السكرتير اللي بقاله 10سنين مش عاوز يمشى  ارحمو سكان منطقه السيدة نفيسة الناس ماتت هناك من الزبالة والمجارى والمياه ولا اهالى زرزارة الكرام اللي بيسر قو الكهرباء من العمائر ولو حصل مشكله كهرباء النصيحه سيبو البيوت لمدة يومان أو ثلاثة وإحنا مش مسئولين ولما حد يروح بشكوى للسيد السكرتير يكون مصيرها الزباله ولا المواطن عليه دة كمان يروح لبشوات مجلس الشعب اللى المفروض دورهم يتكلمو بأسم الناس لا بس دورة يدخل المجلس على شان نفسه بس وبلاش تفسير لكن المواطن عامل زحمه فى البلد على الفاضى ياريت يخلصو خلى البلد تفضى للمحسيب بس طيب الناس تروح لمين والشكوى لغير الله مزله